Գանձակի թիվ 2 միջնակարգ դպրոցում անցկացվել է գործնական վարժանք «Տարհանում և տուժածներին առաջին օգնության ցուցաբերում» թեմայով։ Վարժանքին մասնակցել են ԱԻՆ Գեղարքունիքի մարզային փրկարարական վարչության և Գավառի թիվ 31 ՀՓՋ ծառայողներ, ինչպես նաև վետերաններ:
Համաձայն սցենարի՝ հայտարարվել է օդային տագնապ, դպրոցի անձնակազմը և աշակերտներն անմիջապես տարհանվել և պատսպարվել են դպրոցի թաքստոցում։
Հետախուզության արդյունքում հայտնաբերվել են 2 պայմանական տուժածներ: Առաջին օգնության և փրկարարական խմբի կողմից նրանց ցուցաբերվել է համապատասխան օգնություն և փրկարարների ուղեկցությամբ տարհանվել են անվտանգ տարածք։
Ըստ պլանի՝ սահմանված ժամին հայտարարվել է ուսումնավարժության ավարտ, ամփոփվել են արդյունքները։ Ուսուցչական անձնակազմին տրվել են մասնագիտական խորհուրդներ:
