ՀՀ ՏԿԵՆ «Ճանապարհային դեպարտամենտ» պետական ոչ առևտրային կազմակերպությունը տեղեկացնում է, որ մարտի 14-ին՝ ժամը 18։00-ի դրությամբ, բքի և մերկասառույցի պատճառով Հարժիսի խաչմերուկից մինչև Տաթևի խաչմերուկ ճանապարհահատվածը բոլոր տրանսպորտային միջոցների համար դժվարանցանելի է, իսկ Գորիս-Կապան ճանապարհահատվածը փակ է կցորդով տրանսպորտային միջոցների համար։
Վարդենյաց լեռնանցքը փակ է կցորդով տրանսպորտային միջոցների համար, իսկ մյուս տեսակի տրանսպորտային միջոցների համար՝ դժվարանցանելի։
Բքի պատճառով Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար։
Տաթև-Աղվանի ավտոճանապարհը դժվարանցանելի է բոլոր տեսակի տրանսպորտային միջոցների համար։
Գնդեվազ-Ջերմուկ ճանապարհահատվածը փակ է կցորդով տրանսպորտային միջոցների համար։
Սիսիանի ավտոճանապարհներին, Գորիս-Կապան ճանապարհահատվածում տեղ-տեղ մերկասառույց է։
Միջպետական և հանրապետական նշանակության մյուս ավտոճանապարհները բաց են:
Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:
