ՌԴ օդային սահմանը ՀՀ քաղաքացիների համար կշարունակի բաց մնալ մինչև ապրիլի 1-ը ներառյալ
Ռուսաստանի Դաշնություն «Ճանապարհորդիր առանց Քովիդ-19»-ի բջջային հավելվածի միջոցով մուտքի ներկայումս գործող կարգը երկարաձգվել է մինչև 2021թ. ապրիլի 1-ը՝ համաձայն ՌԴ կառավարության 26 փետրվարի 2021թ. № 485-р կարգադրության։
Հիշեցնենք, որ օտարերկրացիների մուտքը ժամանակավորապես սահմանափակող ՌԴ կառավարության կարգադրության մեջ 26.01.2021թ. կատարված փոփոխության համաձայն, 2021թ. փետրվարի 1-ից մինչև մարտի 1-ը ներառյալ թույլատրվել էր Հայաստանի Հանրապետությունից և Բելառուսի Հանրապետությունից Ռուսաստանի Դաշնություն մեկնող ԵԱՏՄ անդամ պետությունների, այդ թվում՝ Հայաստանի Հանրապետության քաղաքացիների մուտքը Ռուսաստանի Դաշնություն՝ օդային հաղորդակցության ստորև նշված 20 սահմանային անցակետերով։ Անհրաժեշտ է ներկայացնել վավերական անձնագիր, ինչպես նաև կորոնավիրուսային հիվանդության հետազոտման բացասական արդյունքը, որը պետք է արտացոլվի «Путешествую без COVID-19»* բջջային հավելվածում։
* - բջջային հավելվածը հասանելի է Apple Store-ի և Google Play-ի հայաստանյան և ռուսաստանյան օգտատերերի համար։
- Անապա (Վիտյազևո)
- Վլադիվոստոկ (Կնևիչի)
- Գրոզնիյ (Սևերնիյ)
- Եկատերինբուրգ (Կոլցովո)
- Ժուկովսկիյ
- Կազան
- Կալինինգրադ (Խրաբրովո)
- Կրասնոդար (Պաշկովսկիյ)
- Կրասնոյարսկ (Եմելյանովո)
- Մոսկվա (Վնուկովո)
- Մոսկվա (Դոմոդեդովո)
- Մոսկվա (Շերեմետևո)
- Նիժնեկամսկ (Բեգիշևո)
- Նովոսիբիրսկ (Տոլմաչևո)
- Դոնի Ռոստով (Պլատով)
- Սամարա (Կուրումոչ)
- Սանկտ Պետերբուրգ (Պուլկովո)
- Սոչի
- Ուֆա
- Չկալովսկի
