«Մարդու իմունային անբավարարության վիրուսից առաջացած հիվանդության կանխարգելման մասին» օրենքում փոփոխություններ և լրացումներ կատարելու մասին նախագիծը միտված է ՄԻԱՎ-ով ապրող մարդկանց իրավունքների պաշտպանությանը, առկա օրենսդրական բացերը լրացնելուն, գործող՝ 1997 թ. ընդունված օրենքը արդի մոտեցումներին համապատասխանեցնելուն: «Արմենպրեսի» հարցմանն ի պատասխան՝ այս մասին հայտնեցին ՀՀ առողջապահության նախարարությունից՝ անդրադառնալով փաստին, որ Ազգային ժողովը փետրվարի 11-ին մերժել է նախագիծը:
Այս բոլոր փոփոխությունների և լրացման արդյունքում հնարավոր կլինի էլ ավելի արդյունավետ կազմակերպել ՄԻԱՎ-ով ապրող անձանց բժշկական օգնությունը և սպասարկումը, ապահովել վերջիններիս իրավունքների անխոչընդոտ իրացումը, ինչը դրական կանդրադառնա երկրում ՄԻԱՎ-ի վաղ հայտնաբերման և բուժման ծառայությունների ընդլայնման գործընթացի վրա: Նախագծի ընդունման հետաձգումը նպաստելու է ՄԻԱՎ-ով ապրող անձանց նկատմամբ խտրականության շարունակությանը»,- ասված է նախարարության պարզաբանման մեջ:
