Այս օրենքի ալֆան և օմեգան պետք է լիներ ակադեմիական ազատությունը, բայց այն հենց ձեր իսկ գաղափարախոսության ակադեմիական ազատության հիմնաքարի խախտում է, որը հակասում է բուհերի ինքնավարության ամբողջական սկզբունքին: Այդ մասին «Բարձրագույն կրթության և գիտության մասին» օրենքի նախագծի քննարկմանն աասաց «Բարգավաճ Հայաստան» խմբակցության անդամ Նաիրա Զոհրաբյանը:
Անդրադառնալով ռեկտորի ընտրության կարգին՝ Զոհրաբյանն ասաց, որ վստահ չէ, որ նախարարի կողմից նշանակված կառավարման խորհրդի 5 անդամն էլ կլինեն անաչառ և չեն կատարի քաղաքական պատվեր: «Ես վստահ եմ՝ դուք կատարելու եք քաղաքական ընտրություն, քանի որ այն, ինչ կատարվում է այսօր կրթական համակարգում, նախկինի օրգանական շարունակությունն է, պարզապես փոխվել են դերակատարները»,- ընդգծեց պատգամավորը:
