Երկրաշարժի հետևանքով Գեղարքունիքի մարզում մարդկային զոհեր չկան. Սանոսյան

ՀՀ Գեղարքունիքի մարզպետ Գնել Սանոսյանը հայտնում է, որ երկրաշարժի հետևանքով մարզում մարդկային զոհեր չկան: Սանոսյանը բնակիչներին նաև կոչ է արել խուճապի չմատնվել և պահպանել անվտանգության կանոնները։

Հիշեցնենք, որ այսօր տեղական ժամանակով ժամը 19:36-ին ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է Շորժա գյուղից 5 կմ հյուսիս-արևելք, օջախի 10 կմ խորությամբ, 4.7 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Գեղարքունիքի մարզում՝ 5-6 բալ ուժգնությամբ։