Փրկարարներն արգելափակումից դուրս են բերել 13 ավտոմեքենա, 24 քաղաքացու ցուցաբերել օգնություն
Հունվարի 22-ից 23-ն ԱԻՆ ՓԾ ճգնաժամային կառավարման ազգային կենտրոնում 12 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ:
Մասնավորապես՝ Երևանում, Արագածոտնի մարզի Ապարան և Աշտարակ քաղաքներում, Արագած, Սարալանջ և Կայք գյուղերում, Կոտայքի մարզի Հրազդան քաղաքում, Գետամեջ գյուղում և Սյունիքի մարզի Նորավան գյուղում։
Դեպքի վայր ժամանած փրկարարներն արգելափակումից դուրս են բերել 13 ավտոմեքենա և 24 քաղաքացու ցուցաբերել համապատասխան օգնություն։
