ԱԺ «Բարգավաճ Հայաստան» խմբակցության պատգամավորներն այսօր հանդիպել են ԲԴԽ անդամի թեկնածու, իրավագետ Գագիկ Ջհանգիրյանի հետ։
ԱԺ ԲՀԿ խմբակցության քարտուղար Արման Աբովյանը հայտարարել է, որ հանդիպումն անցել է աշխատանքային նորմալ մթնոլորտում։ Իսկ թե ինչպես կքվեարկի խմբակցությունը՝ դեռ որոշված չէ. Ըստ Աբովյանի՝ որոշում կկայացնեն հանդիպման արդյունքները քննարկելուց հետո:
Հիշեցնենք, որ Գագիկ Ջհանգիրյանի թեկնածությունը ԲԴԽ անդամի պաշտոնում առաջադրել է իշխող «Իմ քայլը» խմբակցությունը։
Ավելի վաղ Ջհանգիրյանը հանդիպումներ է ունեցել նաև «Իմ քայլը» և «Լուսավոր Հայաստան» խմբակցությունների հետ։
