Անհետ կորած զինծառայողների հարազատները բողոքի ակցիա են իրականացրել Կառավարության շենքի դիմաց
Ադրբեջանի կողմից Արցախի դեմ սանձազերծված պատերազմի հետևանքով անհետ կորած զինվորների ծնողներն այսօր առավոտյան կրկին բողոքի ակցիա են իրականացրել Կառավարության շենքի դիմաց, այնուհետև երթով շարժվել դեպի Ռուսաստանի դեսպանատուն:
Մասնակիցները պահանջել են քայլեր ձեռնարկել անհետ կորածներին գտնելու ուղղությամբ: Նրանք պնդել են, որ իրենք օրեր առաջ ՌԴ դեսպանությանը տվյալներ են փոխանցել իրենց հարազատների վերաբերյալ, բայց մինչև օրս պատասխան չեն ստացել:
