Դեկտեմբերի 16-ին, ժամը 18։26-ին Արմավիրի մարզային ճգնաժամային կառավարման կենտրոն ահազանգ է ստացվել, որ Արարատ քաղաքի «Զոդի» կամրջի մոտակայքում տեղի է ունեցել ՃՏՊ․ կա տուժած։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մեղրի-Երևան ավտոճանապարհի 53-րդ կմ-ին գտնվող Զոդի կամրջից «Volkswagen Touareg» մակնիշի ավտոմեքենան (վարորդ՝ Էմին Թ․, ծնված 1987 թ.) դուրս է եկել ճանապարհի երթևեկելի հատվածից և հայտնվել ձորակում:
Մինչ փրկարարների՝ կանչի վայր հասնելն ուղևորնեից մեկը տեղում մահացել է, մյուս երկու ուղևորները և վարորդը հոսպիտալացվել են Արարատի ԲԿ, որտեղ բժիշկները ուղևորների առողջական վիճակը գնահատել են ծանր:
Փրկարարները տուժածներին մոտեցրել են շտապօգնության ավտոմեքենային, ինչպես նաև հոսանքազրկել և փակել «Volkswagen Touareg» մակնիշի ավտոմեքենայի գազի բալոնի փականը:
