Ֆրանսիայում ՀՀ դեսպանը France-24-ին տված հարցազրույցում ընդգծել է՝ Մակրոնն է առաջինը մատնանշել Ադրբեջանի ագրեսիան
Ֆրանսիայում Հայաստանի Հանրապետության արտակարգ և լիազոր դեսպան Հասմիկ Տոլմաջյանը հարցազրույց է տվել France-24 հեռուստաալիքին։
«Ֆրանսիայի Հանրապետության նախագահ Էմանուել Մարկոնն առաջինն էր, որ հստակ մատնանշեց, որ Ադրբեջանն է լայնածավալ ագրեսիա ձեռնարկել և նախահարձակ եղել Արցախի դեմ՝ շեշտելով, որ Ադրբեջանի այս արկածախնդրությունը որևէ արդարացում չի կարող ունենալ: Ֆրանսիայի նախագահը Արցախը վերանվաճելու Ադրբեջանի փորձերն անընդունելի է որակել»,- իր խոսքում մասնավորապես ասել է դեսպան Տոլմաջյանը։
