«Այս տարվա տնտեսական դժվարությունները հաշվի առնելով՝ անհամեմատ պակասեցրել ենք ժամկետանց կամ ապօրինի կրպակների, տաղավարների ապամոնտաժումը: Այնուամենայնիվ, երթևեկության կամ հետիոտների անվտանգությանը մեծ ռիսկ սպառնացողները ժամանակ առ ժամանակ հեռացվում են»,- հայտնել է Երևանի Արաբկիր վարչական շրջանի ղեկավար Արամ Դանիելյանը՝ Ֆեյսբուքի էջում:
Նա հրապարակել է Գյուլբենկյան և Խաչատրյան փողոցների խաչմերուկի գազոնային հատվածում տեղադրված մոտ 20 քմ մակերեսով երկու բետոնացված տաղավարների լուսանկարները, որոնք և ապամոնտաժվել են:
«Գազոները կվերականգնվեն, մայթին էլ կտեղադրվեն նստարաններ»,- ասել է նա:
