Մանկապարտեզի համար հերթագրված երեխաների ընդունելությունը ժամանակավորապես կասեցված է
Երևանի քաղաքապետի խոսնակ Հակոբ Կարապետյանը տեղեկացրել է, որ սեպտեմբերի 15-ից մասամբ վերսկսվում է նախադպրոցական կրթությունը, սակայն հերթագրված երեխաների ընդունելությունը ժամանակավորապես կասեցված է:
«Գտնվելով «COVID 19» նոր կորոնավիրուսային հիվանդության կանխարգելման ճանապարհին՝ մասամբ վերսկսում ենք նախադպրոցական կրթությունը:
2020 -2021 ուսումնական տարին մեկնարկվելու է սեպտեմբերի 15-ին, և Երևանի ենթակայության մանկապարտեզների դռներն այդ օրվանից բաց կլինեն երեխաների համար:
Որպես իրազեկում.
1. Յուրաքանչյուր խումբ համալրվելու է առավելագույնը 12 երեխայով, որոնք մանկապարտեզ են հաճախել 2019-2020 ուստարում:
2. Առաջնահերթությունը տրվելու է՝
ա) աշխատող ծնողների 5-6 տարեկան երեխաներին,
բ) առաջին կամ երկրորդ կարգի հաշմանդամություն ունեցող ծնողի երեխային.
գ) տվյալ հաստատություն աշխատակցի երեխային:
Հերթագրված երեխաների ընդունելությունը ժամանակավորապես կասեցված է:
Կարևորելով նախադպրոցական կրթությունը, ինչպես նաև ընտանիքներին աջակցելու ցանկությունը՝ ակնկալում ենք Ձեր ըմբռնումը՝ նոր կորոնավիրուսային հիվանդության կանխարգելման նկատառումով պայմանավորված սահմանափակ թվով երեխաների վերընդունման հարցում»,- գրել է քաղաքապետի խոսնակը Фեյսբուքի էջում:
