Կառավարության 2020 թվականի սուբվենցիոն 2 առանձին ծրագրերի շրջանակներում Նոր Երզնկա համայնքում մեկնարկել են խաղահրապարակի և պուրակի կառուցման շինարարական աշխատանքներ: Այս մասին տեղեկանում ենք Կոտայքի մարզպետարանի ֆեյսբուքյան էջից:
Խաղահրապարակի կառուցման շահած ծրագրի արժեքը 22 272 206 դրամ է, որի 30 %-ը պետական բյուջեի ֆինանսավորման չափն է, 70 %-ը՝ համայնքի ներդրումը:
Պուրակի կառուցման շահած ծրագրի արժեքը 19 710 874 դրամ է, որի 30 %-ը պետական բյուջեի ֆինանսավորման չափն է, 70 %-ը՝ համայնքի ներդրումը:
Նշենք, որ համայնքային պուրակն ու խաղահրապարակը կառուցվելու են կենտրոնական հատվածում:
Այս պահին իրականացվում են խաղահրապարակի տարածքի հողահարթեցման և բետոնապատման, ինչպես նաև պուրակի ցանկապատման աշխատանքներ:
Շինարարական աշխատանքների արդյունքում համայնքը վերջապես կունենա բարեկարգ պուրակ՝ նաև փոքրիկների համար նախատեսված խաղահրապարակով:
Հիշեցնենք, որ սուբվենցիոն երկու առանձին ծրագրերով Նոր Երզնկայում շուտով կմեկնարկեն նաև ներհամայնքային ճանապարհների կապիտալ հիմնանորոգման աշխատանքներ:
