Վճարվող յուրաքանչյուր լումա Հայաստանի և հայ ժողովրդի հաղթական շղթայի մի օղակ է. Հայկ Չոբանյան

Տավուշի մարզպետ Հայկ Չոբանյանը գրառում է կատարել Ֆեյսբուքի իր էջում` հայտնելով, որ հավաքված գումարների շնորհիվ ծրագրեր են իրականացվում սահմանամերձ համայնքներում:

«Հարգելի բարեկամներ, վճարվող յուրաքանչյուր լումա Հայաստանի և հայ ժողովրդի հաղթական շղթայի մի օղակ է։ Մեր թիվ մեկ առաջնահերթությունը Հայաստանի ջուրը մեր տնտեսության և անվտանգության երաշխիք դարձնելն է, ոչ թե Ադրբեջան ուղարկելը։

Ուրախ եմ տեղեկացնել, որ վերջին մեկ ամսում հավաքված գումարների շնորհիվ արդեն մի շարք նմանատիպ ծրագրեր են իրականացվում սահմանամերձ համայնքներում, շնորհակալություն

Հայաստան համահայկական հիմնադրամին, Հովնանյան հիմնադրամին, Կլոր սեղան բարեգործական հիմնադրամին, Lilia Chakarian-ին, Anya A. Turcotte-ին և բոլոր դրամատուներին՝ նվիրումի և վստահության համար։
 

Մենք գույքագրել ենք ընդամենը 64 ռազմավարական ծրագրեր, յուրաքանչյուրը 20.000-300.000 դոլար, ընդամնեը 13 մլն ԱՄՆ դոլար արժողությամբ, որոնց իրականացումը հնարավորություն կտա Տավուշի գյուղերին ապահովել ամսական առնվազն 15 մլն ԱՄՆ դոլար լրացուցիչ եկամուտ և մեր ջուրը պահել Հայաստանում։

Խնդրում եմ փոխանցեք այս կոչը Ձեր ընկերներին և բարեկամներին։ Եկեք միասին հզորացնենք մեր երկիրն ու ժողովրդին»,- գրել է մարզպետը։