Կրկին խոր ցավով ուզում եմ տեղեկացնել, որ մահվան դեպք ունենք բուժաշխատողների շրջանում: Այդ մասին Ֆեյսբուքի էջում գրել է առողջապահության նախարարի խոսնակ Ալինա Նիկողոսյանը:
«56-ամյա Արմինե Հովհաննիսյանն աշխատել է «Սուրբ Գրիգոր Լուսավորիչ» բժշկական կենտրոնի պոլիկլինիկայում որպես թերապևտիկ բաժանմունքի բուժքույր:
Հովհաննիսյանը երկար տարիներ աշխատել է առողջապահության համակարգում, նվիրված և հավատարիմ իր աշխատանքին:
Առողջապահահության նախարարությունը, կիսելով հարազատների վիշտը, իր խոր ցավակցությունն է հայտնում»,- գրել է Ա.Նիկողոսյանը:
Նշենք՝ ավելի վաղ ՀՀ առողջապահության նախարարի խոսնակ Ալինա Նիկողոսյանը տեղեկացրել էր, որ կորոնավիրուսից բուժաշխատող է մահացել:
