«Ռուսական երկաթուղիներ» ընկերությունն ուսումնասիրում է Թուրքիայից և Ադրբեջանից Վրաստանով տարանցմամբ Ռուսաստան բանջարեղեն մատակարարելու հնարավորությունը: Նոր երթուղու մշակման մասին հայտնել է «Ռուսական երկաթուղիներ» ընկերության գլխավոր տնօրենի առաջին տեղակալ Վադիմ Միխայլովը:
Երթուղու օգտագործումը կպահանջի Աբխազիայով երկաթուղային ճանապարհով երթևեկության վերականգնում, որն ամբողջությամբ ընդհատվել է 1990-ականների հակամարտությունից ի վեր: Երկաթուղու աբխազական հատվածի վերագործարկման թեման պարբերաբար բարձրացվում է ռուս պաշտոնյաների կողմից, սակայն մշտապես բախվում է Թբիլիսիի կոշտ դիրքորոշմանը:
