Ազգային ժողովի պատգամավորներ Մամիկոն Ասլանյանն ու Ալխաս Ղազարյանը հոկտեմբերի 21-24-ը գործուղման կմեկնեն Ռուսաստանի Դաշնության Սանկտ Պետերբուրգ քաղաք։
ԱԺ նախագահ Ռուբեն Ռուբինյանի հոկտեմբերի 13-ի կարգադրության համաձայն՝ պատգամավորները կմասնակցեն ԱՊՀ միջխորհրդարանական վեհաժողովի պետականաշինության փորձի ուսումնասիրման և տեղական ինքնակառավարման մշտական հանձնաժողովի, ինչպես նաև գիտության և կրթության մշտական հանձնաժողովի նիստերին։
Ալխաս Ղազարյանի գործուղումը նախատեսված է հոկտեմբերի 22-24-ը։ Պատվիրակության կազմում կլինի նաև ԱԺ աշխատակազմի արտաքին կապերի վարչության միջազգային կազմակերպությունների բաժնի գլխավոր մասնագետ, պատվիրակության քարտուղար Սոֆյա Մնացականյանը։
