ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի ու ՌԴ նախագահ Վլադիմիր Պուտինի միջև եռակողմ հանդիպում Թուրքմենստանում տեղի չի ունեցել։ Այս մասին 1lurer.am-ին ասաց ՀՀ վարչապետի մամուլի խոսնակ Մելանյա Հարությունյանը։
«Նման ձևաչափով հանդիպում իրականում տեղի չի ունեցել»,- ասաց նա։
Ավելի վաղ «Կոմերսանտ»-ը գրել էր, որ ՀՀ վարչապետ Նիկոլ Փաշինյանը, Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը Թուրքմենստանում կայացած Կասպիական գագաթնաժողովից հետո փակ հանդիպում են ունեցել։
