Խորհրդարանում Կառավարության հետ հարցուպատասխանի հիմնական հատվածը վերաբերել է Շաքիում տեղի ունեցած դեպքին։ Վարչապետը շեշտել է՝ աշխարհում չի եղել և չի լինելու սահման կամ շփման գիծ, որը մեկ մարդ չկարողանա անցնել և վերադառնալ։ Նիկոլ Փաշինյանը վստահեցրել է՝ կալանավորված ադրբեջանցի զինծառայողը պատժի առնվազն մի մասը պետք է կրի Հայաստանում։ Անդրադառնալով այս թեմայի համատեքստում ընդդիմության կողմից տարածվող տրամադրություններին, որոնց նպատակը, ըստ Փաշինյանի, խաղաղության գործընթացը կասկածի տակ դնելն է, վարչապետն ասել է՝ եթե ընդդիմությունը վերջին ընտրություններում հաղթեր, Շաքիի դեպքի հետ կապված արձագանքի հետևանքով սահմանին առնվազն լուրջ փոխհրաձգություններ կլինեին։ Հարցուպատասխանի ընթացքում անդրադարձ է եղել նաև ԹՐԻՓՓ-ի իրագործմանը, Իրանի հետ հարաբերություններին և անհետ կորածների խնդրին։
Հեղինակ՝ Նիկոլայ Ավետիսյան
