Ազգային ժողովի պաշտպանության և անվտանգության հարցերի մշտական հանձնաժողովում այսօր տեղի է ունեցել հանդիպում «Անհայտ կորած անձանց հարազատների համահայկական ասոցիացիա»-ի ներկայացուցիչների հետ։ Այդ մասին ասված է ՀՀ ԱԺ պաշտպանության և անվտանգության հարցերի մշտական հանձնաժողի նախագահ Վիլեն Գաբրիելյանի Ֆեյսբուքի էջում:
«Քննարկեցինք անհայտ կորած անձանց վերաբերյալ մի շարք խնդիրներ։
Պայմանավորվածություն ենք ձեռք բերել համագործակցությունը շարունակել կանոնավոր և թեմատիկ հանդիպումների ձևաչափով՝ ներկայացված առաջարկությունների հիման վրա ձևավորելով առավել առարկայական օրակարգ»,- նշված է գրառման մեջ։
