Թրամփ-Սի բանակցությունները քաղաքական առաջընթաց չեն ապահովել. DW

Հինգշաբթի՝ սեպտեմբերի 24-ին, ԱՄՆ նախագահ Դոնալդ Թրամփը Սպիտակ տանը շքեղ պետական ​​ճաշկերույթ է կազմակերպել Չինաստանի նախագահ Սի Ծինփինի պատվին։ Հյուրերի թվում էին ամերիկյան խոշոր տեխնոլոգիական ընկերությունների գործադիր տնօրեններ, այդ թվում՝ Tesla-ի ղեկավար Էլոն Մասկը, Apple-ի ղեկավար Թիմ Քուքը և OpenAI-ի ղեկավար Սեմ Ալտմանը, գրում է DW-ն։

Մինչ այդ երկկողմ բանակցությունների ժամանակ առաջնորդներն անդրադարձել էին զգայուն թեմաների, ինչպիսիք են Թայվանը, Իրանը, Ուկրաինան և արհեստական ​​բանականությունը։ Չնայած ջերմ հարաբերությունների ցուցադրմանը՝ ԱՄՆ-ն ու Չինաստանը չեն կարողացել քաղաքական առաջընթացի հասնել։

Չինաստանի պետական «Սինհուա» գործակալությունը հայտնել է, որ Սի Ծինփինը կոչ է արել ԱՄՆ-ին դեմ հանդես գալ Թայվանի անկախությանը:

Արհեստական ​​բանականության արագ զարգացման ֆոնին Չինաստանի նախագահը հայտարարել է, որ այդ տեխնոլոգիան միշտ պետք է մնա մարդու վերահսկողության տակ։ Լրատվականի աղբյուրները կարծում են, որ չնայած ճաշկերույթին տեխնոլոգիական արդյունաբերության ներկայացուցիչների մասնակցությանը, Թրամփը կպահպանի ամերիկյան տեխնոլոգիաների արտահանման խիստ սահմանափակումները, որոնք Չինաստանը ձգտում է մեղմացնել։

Ըստ աղբյուրների՝ Իրանի դեմ ԱՄՆ-ի և Իսրայելի պատերազմի հարցում ևս դիրքորոշումների մերձեցում չի նկատվել։ Սի Ծինփինը միայն հանդես է եկել հրադադարին վերադառնալու օգտին։