Մեզ հստակորեն ասել են, որ այդ փաստաթուղթը դեմ չէ Հայաստան-Իրան հարաբերություններին. Իրանի դեսպանը՝ ՀՀ-ԱՄՆ ռազմավարական փաստաթղթի մասին
Հայաստանի իշխանություները մեզ հստակորեն ասել են, որ այդ փաստաթուղթը դեմ չէ Հայաստան-Իրան հարաբերություններին: Այդ մասին ասուլիսի ժամանակ ասաց ՀՀ-ում Իրանի դեսպան Մեհդի Սոբհանին՝ անդրադառնալով Հայաստանի և ԱՄՆ-ի միջև ստորագրված ռազմավարական փաստաթղթին:
«Հայաստանի իշխանություններն ընդգծել են, որ չեն ձեռնարկի այնպիսի քայլ, որը կվնասի երկկոկմ կամ Իրանի Իսլամական Հանրապետության շահերը»,- ասաց նա:
Դեսպանն անդրադարձավ նաև Իրանի և Ռուսաստանի միջև վերջերս ստորագրված փաստաթղթին և առանձնացրեց դրա կետերից մեկը. «Կա մի կետ, որով նշված է, որ այդ փաստաթուղթը որևէ երրորդ երկրի կամ միջազգայնորեն արձանագրված փաստաթղթերի դեմ չէ»:
