Վաշինգտոնը Ռուսաստանին չի ներառել այն երկրների ցանկում, որոնց նկատմամբ ԱՄՆ-ը մաքսատուրքեր է սահմանել, քանի որ ամերիկացի ներկայացուցիչները բանակցություններ են վարում Մոսկվայի և Կիևի հետ հակամարտության կարգավորման շուրջ։
Այս մասին ABC հեռուստաընկերության եթերում հայտարարել է Սպիտակ տան Ազգային տնտեսական խորհրդի տնօրեն Քևին Հասեթը։ Նա կարծում է, որ խաղաղության հասնելու ընթացքում մաքսատուրքերի հարցը բարձրացնելը անարդյունավետ և աննպատակահարմար կլիներ:
Ազգային տնտեսական խորհրդի ղեկավարը չի պարզաբանել, թե ինչու Դոնալդ Թրամփի վարչակազմը, այնուամենայնիվ, 10 տոկոս լրացուցիչ հարկեր է մտցրել Ուկրաինայի դեմ, բայց դրանք չկան ԿԺԴՀ-ի, Կուբայի և Բելառուսի նկատմամբ։
Ավելի վաղ ԱՄՆ ֆինանսների նախարար Սքոթ Բեսենթը Fox News-ին տված հարցազրույցում ասել էր. որ Միացյալ Նահանգները մաքսատուրքեր չի սահմանել Ռուսաստանից և Բելառուսից ապրանքների ներմուծման համար, քանի որ այդ երկրներից արտադրանք չի մատակարարվում ԱՄՆ՝ պատժամիջոցների պատճառով:
Սակայն, լրատվականը ներկայացնում է ԱՄՆ առևտրային ներկայացուցչության տվյալները, որոնց համաձայն, միայն 2024 թվականին Մոսկվայի և Վաշինգտոնի միջև ներմուծման և արտահանման ծավալը հասել է 3,5 միլիարդ դոլարի։ ԱՄՆ-ն Ռուսաստանից 3 մլրդ դոլարի ապրանք է գնել, հիմնականում պարարտանյութեր, գունավոր մետաղներ և անօրգանական քիմիական նյութեր։
Մինչդեռ Թրամփի վարչակազմը 27 տոկոս մաքսատուրքեր է սահմանել Ղազախստանի դեմ, որի առևտրի ծավալը ԱՄՆ-ի հետ հավասար է Ռուսաստանին՝ 3,4 միլիարդ դոլար, որից 2,3 միլիարդը ամերիկյան ներմուծումն է։
