Իսրայելական ուժերն ընդլայնել են օդային և ցամաքային հարձակումները Գազայի հատվածի վրա։ 24 ժամվա ընթացքում զոհվել է առնվազն 46 պաղեստինցի։
Վերսկսված հարձակումը շարունակվում է արդեն 20-րդ օրն անընդմեջ:
Կիրակի «Ալ Ջազիրա»-ի հաղորդման համաձայն, իսրայելական ռազմական ինքնաթիռներն ու անօդաչու սարքերը ռմբակոծել են Գազայի հարավում գտնվող տարածքները:
Միայն Խան Յունիսում սպանվել է առնվազն 19 պաղեստինցի, այդ թվում՝ երեխաներ և կանայք։ Իշխանությունները հայտնել են, որ զոհերի թիվը կարող է աճել։
Շարունակական ավերածություններ են եղել նաև Ռաֆահում և Բեյթ Լահիայում։
