ԱՄՆ նախագահ Դոնալդ Թրամփը հայտարարել է, որ ԱՄՆ ԶՈՒ հարձակումները եմենյան հութիների ուղղությամբ կշարունակվեն այնքան, քանի դեռ նրանք նավագնացության համար վտանգ են ներկայացնում։
«Մենք նրանց ուղղությամբ հարվածում ենք ամեն օր և ամեն գիշեր՝ ավելի ու ավելի ուժգին։ Նրանց հնարավորությունները, որ սպառնում են նավագնացությանը և տարածաշրջանին, արագորեն ոչնչացվում են։ Մեր հարվածները շարունակվելու են, քանի նրանք նավագնացության համար չեն դադարի վտանգ ներկայացնել»,- գրել է Թրամփը Truth Social-ում։
Նա հայտարարել է՝ եթե հութիները դադարեն կրակել ամերիկյան նավերի ուղղությամբ, Միացյալ Նահանգներն ի պատասխան` կդադարեցնի կրակը։ Թրամփը նաև սպառնացել է Իրանին, որը, նրա համոզմամբ, հութիների «Անսար Ալլահ» շարժման հովանավորն է։
