Դոնալդ Թրամփը հայցազրույց է տվել NBC News-ին: Նա սպառնացել է Իրանին ռմբակոծություններով և նոր մաքսատուրքերով, եթե Թեհրանը Վաշինգտոնի հետ համաձայնության չգա իր միջուկային ծրագրի շուրջ։ Եթե նրանք համաձայնության չգան, ռմբակոծություններ կլինեն։ Կլինեն այնպիսի ռմբակոծություններ, որոնց նմանը նրանք երբեք չեն տեսել։ «Եթե նրանք համաձայնության չգան, հնարավոր է՝ ես երկրորդային մաքսատուրքեր սահմանեմ նրանց նկատմամբ, ինչպես արել էի չորս տարի առաջ»,- ասել է Թրամփը՝ հավելելով, որ 2 շաբաթ ժամանակ կտա Թեհրանին՝ մտածելու համար։ Նա նաև շեշտել է, որ ամերիկացի և իրանցի պաշտոնյաները շփվում են, սակայն այլ մանրամասներ չի հայտնել։
Թեհրանից արձագանքել են ԱՄՆ նախագահի սպառնալիքներին: Իրանի գերագույն առաջնորդ այաթոլլահ Ալի Խամենեին ասել է, որ չի հավատում ԱՄՆ-ի կողմից հարձակման հնարավորությանը, իսկ եթե Վաշինգտոնը փորձի ապստամբություն հրահրել Իսլամական Հանրապետության ներսում, դա կոշտ պատասխան կստանա:
Երեկ էլ Իրանի նախագահը հայտարարել էր, որ ԱՄՆ նախագահ Դոնալդ Թրամփին ուղղված պատասխան նամակում Իրանի իշխանությունները հրաժարվել են ուղիղ բանակցություններ վարելուց, սակայն նշել են, որ դեռ կա միջնորդների միջոցով երկխոսությունը շարունակելու հնարավորություն։ Նամակում ընդգծվում է, որ Իրանը երբեք չի խուսափել բանակցություններից, և միայն չկատարված խոստումներն են խնդիրներ առաջացրել, որոնք պետք է լուծվեն երկրների միջև վստահությունը վերականգնելու համար: Նա ընդգծել էր, որ բանակցությունների ճակատագիրը կորոշվի՝ հաշվի առնելով ամերիկացիների պահվածքը։
Մանրամասները՝ տեսանյութում:
