«Լուրերի» թղթակից Քրիստինե Թորոսյանն այսօր եղել է Փարաքարի թիվ 14/14 ընտրական տեղամասում, որտեղ հետևել է ձայների հաշվարկին:
Այս ընտրատեղամասում ընտրելու իրավունք ուներ 1574 քաղաքացի, նրանցից 835-ն իրականացրել է իր քաղաքացիական պարտքը:
Նա տեղեկացրել է, որ օրվա ընթացքում վաղ առավոտից Փարաքար համայնքում հետևել է քվեարկության ընթացին:
Հիշեցնենք՝ Փարաքարում գործում էր 16 ընտրատեղամաս: Ընտրելու իրավունք ուներ 20 հազար 967 քաղաքացի:
«Լուրերի» նկարահանող խումբն օրվա ընթացքում այցելել է 7 ընտրատեղամաս: Այդ ընտրատեղամասերում մեր թղթակիցը զրուցել է ընտրատեղամասերի հանձնաժողովների նախագահների, ինչպես նաև դիտորդական առաքելություն իրականացնողների և վստահված անձանց հետ:
Նրանք հիմնականում նշել են, որ ընտրատեղամասերում խնդիրներ և խախտումներ չեն արձանագրվել:
Միակ խնդիրը, որ արձանագրվել է, եղել է հանրության շրջանում ընտրական կարգի վերաբերյալ որոշակի իրազեկվածության պակասը:
