«Լուրերի» թղթակից Մուշեղ Իսախանյանը Գյումրու թիվ 31/47 ընտրատեղամասում հետևում է ձայների հաշվարկին:
Նրա խոսքով՝ այս ընտրատեղամասում ձայների բուն հաշվարկը դեռ չի մեկնարկել: Հանձնաժողովը, ըստ կարգի, հերթականությամբ առաջնորդվելով՝ հասել է վերջնական փուլին: Արդեն նախապատրաստվում է ձայների հաշվարկը:
Ամփոփելով այս ընտրատեղամասի տվյալները՝ նշենք, որ 1719 ընտրողից 779 քաղաքացի է մասնակցել ընտրությանը, որոնցից 2-ը լրացուցիչ ցուցակով են եղել: Այս ընտրատեղամասում երկու արձանագրություն է մատյանում գրանցված՝ մեկը վերաբերում է ուղղորդման դեպքի, մյուսը՝ տպված թղթի վրա նշումներ կատարելու դեպքին: Երկու դեպքն էլ նկատել են դիտորդները:
Նրա խոսքով՝ մյուս ընտրատեղամասերում էական խախտումներ չեն հայտնաբերվել, հանձնաժողովի անդամները մասնակցությունը գնահատել են միջին:
