«Քաղաքացիական պայմանագիր» կուսակցության վարչության փոխնախագահ Վահագն Ալեքսանյանն արձանագրել է, որ մրցակից թեկնածուները քվեարկության օրն իրենց քաղաքական ուժի և թեկնածուի դեմ հակաքարոզչություն են իրականացրել, ինչն արգելվում է օրենքով: Վահագն Ալեքսանյանը հայտարարել է, որ լրատվամիջոցներն էլ, ըստ օրենսդրության, իրավունք չունեին ներկայացնել հակաքարոզչությունը:
«Խոսքը վերաբերում է նախ առաջադրված առաջադրված քաղաքապետերի ընդդիմադիր թեկնածուներին, մասնավորապես Մարտուն Գրիգորյանին, Ռուբեն Մխիթարյանին, Վարդան Ղուկասյանին նաև: Նրանք իրենց քվեարկելու պահին լրագրողների հետ ասուլիսում ակնհայտորեն խախտել են ընտրական օրենսգրքի այն հատվածը, որն արգելում է ընտրության և դրա նախորդ օրը քարոզչություն կամ հակաքարոզչություն անել ուժերից մեկի օգտին կամ նրանց դեմ:
Ու կոնկրետ այդ կտորն արգելում է լրատվամիջոցներին նաև տարածել նման տեղեկատվություն. նույնիսկ եթե լրատվամիջոցն ուղիղ մեջբերում է կոնկրետ ինչ-որ մեկի խոսքը, իր կողմից ոչ մի տառ, ստորակետ չի ավելացնում: Լրատվամիջոցը ևս ենթակա է պատասխանատվության դա անելու համար, քանի որ մեր ԸՕ-ն հստակ սահմանում է՝ ընտրության և դրա նախորդ օրը քարոզչություն և հակաքարոզչություն անել չի կարելի: Ու կոնկրետ այս հակաքարոզչությունը ՔՊ-ի, Սարիկ Մինասյանի դեմ, իրականացվում է ընդդիմադիր լրատվամիջոցներով: Ուղղակի հարյուրավոր հրապարակումներ են, գրառումներ են, վիդեոներ են, հոդվածներ են, և սոցցանցերում reach-ը հասնում է տասնյակ կամ հարյուր հազարների առնվազն, եթե չասեմ միլիոնների, ու սա ուղղակի հսկայածավալ ընտրախախտում է իր բնույթով: Փաստացի խախտվում է ընտրական օրենսգիրքը և փաստացի իրականացվում է հակաքարոզչություն ամենալկտի ձևով»,- նշեց նա:
