Մի քանի ժամ մնաց, ընտրությունները կավարտվեն, կտեսնենք՝ ով որքան քվե կստանա, ավագանու քանի անդամներ կունենա: Այս մասին լրագրողների հետ ճեպազրույցում ասաց Գյումրու քաղաքապետի թեկնածու Մարտուն Գրիգորյանը («Մեր քաղաքը» դաշինք):
Գրիգորյանի խոսքով՝ ինքը չի հայտարարել, որ չի համագործակցելու ոչ ոքի հետ:
«Ես ընդամենը կոալիցիա կազմելու, փաստաթուղթ ստորագրելու հետ կապված եմ ասել՝ կոալիցիա կազմելուն կողմ չեմ, իսկ համագործակցությանը միանշանակ կողմ եմ: Ոնց կարող եմ կողմ չլինել»,- հայտարարեց նա:
