SpaceX ընկերության Starlink գերարագ արբանյակային ինտերնետը գործարկվել է Ադրբեջանի տարածքում՝ հայտնել են ընկերությունից:
Նախորդ տարվա մարտի 21-ին Ադրբեջանի թվային զարգացման և տրանսպորտի նախարար Ռաշադ Նաբիևը հայտնել էր, որ Բաքուն Starlink ընկերության հետ քննարկել է երկրում լայնաշերտ արբանյակային ինտերնետ ծառայության ներդրումը:
Մայիսի 9-ին «Ազերկոսմոս» գործակալության և SpaceX-ի միջև ստորագրվել էր համաձայնագիր Ադրբեջանում Starlink ինտերնետային ծառայությունների գործարկման վերաբերյալ:
Ավելի վաղ Starlink-ը հասանելի է դարձել նաև Հայաստանում: SpaceX-ի համահիմնադիր Իլոն Մասկը հայտնել էր, որ Հայաստանը դարձել է աշխարհի 130-րդ շուկան, որտեղ հասանելի է Starlink-ի գերարագ ինտերնետ ծառայությունը:
