Չեմ կարծում, որ փակուղի է մտել գործընթացը: Այդ մասին ԱԺ-ում լրագրողի հարցին ի պատասխան նշեց ԱԺ նախագահ Ալեն Սիմոնյանը:
«Երևի թե մի փոքր անսպասելի էր ադրբեջանական կողմի համար մեր կողմից ստորագրելու և այդ տրամաբանության մեջ առաջ շարժվելու առաջարկը: Կարծում եմ, որ այդ կրակոցները առանձին հետաքննության առիթ են և կարող են առանձին հետաքննության առիթ հանդիսանալ՝ երկկողմ, և այդ ուղղությամբ աշխատանքներ են տարվում, որպեսզի թե՛ հրապարակումների հետ կապված, թե՛ հետագայում հնարավոր հրապարակումների հետ կապված, որևիցե մեխանիզմ լինի, որ հնարավոր լինի նման բաներից խուսափել»,- նշեց ԱԺ նախագահը:
Իսկ թե ինչու էր անակնկալ Բաքվի համար՝ Ալեն Սիմոյանն ասաց.
«Ես նույնիսկ այդ տպավորությունն ունեմ անցյալի հետ կապված: Ադրբեջանական կողմի մոտ նույնիսկ տպավորություն է եղել, որ իրենք կարող են ի սկզբանե ինչ-որ բանի համաձայնել՝ իմանալով, որ հայերը մեկ է՝ չեն համաձայնելու, միջազգային կառույցների, մասնակիցների մոտ այդ տպավորությունն անելու համար գործելաոճ է: Դա իմ անձնական տպավորությունն է եղել: Նպատակը այս պայմանագրի քննարկման մեջ եղել է ինչ-որ արդյունքի հասնելու, այլ ոչ թե խոսակցությունը հավերժ շարունակելու մեջ»:
Հիշեցնենք, որ Ադրբեջանի ՊՆ-ն օրեր շարունակ ապատեղեկություն էր տարածում ՀՀ-ի կողմից իբր կրակոցների մասին:
Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։
Հայաստանի Հանրապետության պաշտպանության նախարարությունը վերահաստատում է, որ ՀՀ վարչապետի աշխատակազմի դիրքորոշմանը համապատասխան՝ պատրաստ է հետաքննել Ադրբեջանի ՊՆ հաղորդագրությունը հիմնավորող փաստերը՝ դրանք ՀՀ-ին փոխանցելու պարագայում։
