Նախորդ՝ 2023-2024 ուսումնական տարում 9-րդ դասարանի շրջանավարտներից ամեն 3-րդը, այսինքն՝ շուրջ 30 տոկոսը, ընտրել է ՄԿՈՒ համակարգ գնալը: Այդ մասին Կառավարության՝ մարտի 20-ի նիստին ասաց ԿԳՄՍ նախարար Ժաննա Անդրեասյանը:
«Սա շատ լավ ցուցանիշ է, որը մենք նախկինում չենք ունեցել, և ցույց է տալիս նաև, որ այս համակարգի գրավչությունը գնալով մեծանում է: Մեր երեխաներն էլ մասնագիտական կրթության տեսանկյունից ընտրում են շատ ավելի նպատակաուղղված կրթության շարունակությունը»,- ասաց նա:
