Էստոնիայի խորհրդարանը որոշում է կայացրել չճանաչել Վրաստանի կառավարության և խորհրդարանի լեգիտիմությունը:
Էստոնիայի խորհրդարանի պաշտոնական հայտարարության մեջ ասվում է, որ Տալլինը ճանաչում է միայն նախագահ Սալոմե Զուրաբիշվիլու լեգիտիմությունը և աջակցում է սահմանադրական ճգնաժամը լուծելու նրա փորձերին:
Էստոնական կողմը նաև կոչ է արել ԵՄ անդամ պետություններին և Եվրահանձնաժողովին պատժամիջոցներ կիրառել վրացի պաշտոնյաների նկատմամբ, որոնք, ըստ հայտարարության, «մասնակից են եղել խաղաղ ցուցարարների վրա ճնշում գործադրելուն»:
Խորհրդարանի որոշմանը կողմ է քվեարկել 59, դեմ՝ 9 պատգամավոր:
