Վրաստանի նախագահ Միխեիլ Կավելաշվիլին սահմանադրական պաշտոնական լիազորությունների շրջանակում կիրակի ներում է շնորհել ավելի քան 600 բանտարկյալի։
«Տիրոջ Մկրտության ուղղափառ քրիստոնեական տոնի կապակցությամբ ես, օգտագործելով սահմանադրական լիազորությունները, ներում եմ շնորհել 613 բանտարկյալի։ Նրանց հնարավորություն է տրվում վերադառնալ իրենց ընտանիքներն ու դառնալ հասարակության լիիրավ անդամներ»,- սոցիալական ցանցերում գրել է Կավելաշվիլին։ Ընդ որում՝ նա չի նշել, թե ո՛ր կատեգորիայի բանտարկյալների վրա է տարածվել ներումը:
