Դեկտեմբերի 18-ին դեսպան Լիլիթ Մակունցը խորհրդակցություն էր հրավիրել Միացյալ Նահանգների տարբեր նահանգներում Հայաստանի Հանրապետության պատվավոր հյուպատոսների հետ՝ ամփոփելու 2024 թվականի ընթացքում կատարված աշխատանքները և պլանավորելու առաջիկա տարվա անելիքները։ Այս մասին տեղեկացնում են ԱՄՆ-ում ՀՀ դեսպանությունից:
«Դեսպանը երախտագիտություն հայտնեց պատվո հյուպատոսներին շարունակական հանձնառության և Հայաստանի Հանրապետության ու Միացյալ Նահանգների միջև երկկողմ հարաբերությունների ամրապնդման գործում ներդրման համար։
Հանդիպումը նաև հնարավորություն ընձեռեց քննարկելու 2025 թվականի ռազմավարական ծրագրերն ու անելիքները՝ կենտրոնանալով ԱՄՆ-ում Հայաստանի ներկայության ընդլայնման, ինչպես նաև տնտեսական, մշակութային և կրթական նախաձեռնությունների ուղղությամբ համագործակցության հետագա զարգացման վրա»,- ասված է դեսպանության տարածած հաղորդագրության մեջ:
