Եվրամիությունը 2025 թվականին հավելյալ 30 միլիարդ եվրոյի ֆինանսական աջակցություն կտրամադրի Ուկրաինային՝ հայտնել է ԵՄ խորհրդի նախագահը:
Անտոնիու Կոշտան նշել է, որ պատերազմի մեկնարկից ի վեր կառույցը Կիևին արդեն շուրջ 130 միլիարդ եվրոյի օգնություն է հատկացրել:
ԵՄ հանձնաժողովի նախագահն էլ հայտարարել է, որ զուգահեռաբար ջանքեր են գործադրվում Միությանը Ուկրաինայի անդամակցության ուղղությամբ:
«Եթե Կիևն արդյունավետ աշխատանք կատարի, մենք պետք է պատրաստ լինենք հաջորդ տարվա սկզբին սկսել անդամակցության շուրջ բանակցությունների առաջին փուլը»,- մանրամասնել է Ուրսուլա ֆոն դեր Լայենը:
