Թուրքիայի նախագահ Ռեջեփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ, հայտնում է Թուրքիայի նախագահի աշխատակազմը։
Զրույցի ընթացքում առաջնորդները քննարկել են Թուրքիայի ու Ֆրանսիայի հարաբերությունները, ինչպես նաև տարածաշրջանային և գլոբալ հարցեր։
Նախագահ Էրդողանն ընդգծել է Սիրիայի տարածքային ամբողջականության և ինքնիշխանության պահպանման կարևորությունն ու ողջունել է Դամասկոսում դեսպանատունը վերաբացելու՝ Ֆրանսիայի որոշումը։
Բացի այդ, թուրք առաջնորդը նշել է, որ արդեն աշխատում են սիրիացի փախստականներին հայրենիք վերադարձնելու գործընթացի ուղղությամբ։ Նա ընդգծել է միջազգային համագործակցության անհրաժեշտությունը՝ ստեղծելու պայմաններ, որոնք թույլ կտան սիրիացիներին վերադառնալ ու մնալ իրենց երկրում, ինչպես նաև իրականացնել տարածաշրջանի վերականգնման և զարգացման ծրագրեր։
