ՀՀ վարչապետ Նիկոլ Փաշինյանը Ֆեյսբուքի իր էջում գրառում է կատարել՝ անդրադառնալով սոցիալական ցանցերի իր էջերում տարբեր թեմաների վերաբերյալ գրառումներին:
«Սիրելի քաղաքացիներ, եթե վերջին շրջանում կամ առաջիկայում այնքան էլ հասկանալի չլինի, թե սոցիալական ցանցերի իմ էջերում այս կամ այն թեմային ինչու եմ անդրադառնում, իմացեք, որ դա կապված է իմ այս էջում իմ իսկ հորդորով քաղաքացիների բարձրացրած հարցերին արձագանքելու անհրաժեշտության հետ, որոնք ունեն շատ լայն ընդգրկում, սկսած անձնականից, ավարտած տնտեսականով ու աշխարհքաղաքականով:
Շատ դեպքերում օգտատերերի մեկնաբանություններին հղում չեմ անում նախ որովհետև նույն կամ նմանատիպ հարցեր բարձրացնողները շատ են, և նրանց գրառումները հիշատակելը իմաստ չունի, որովհետև դրանք արդեն իսկ հրապարակված են իմ էջում, ու կրկին մեջբերելը ժամանակի ոչ արդյունավետ օգտագործում կլինի»,- նշել է վարչապետը:
