Սրտանց շնորհավորում եմ Լիտվայի նորանշանակ արտգործնախարար Կեստուտիս Բուդրիսին՝ X-ի իր միկրոբլոգում գրել է արտգործնախարար Արարատ Միրզոյանը:
«Ուրախ եմ՝ շարունակելու համատեղ աշխատանքը Հայաստան-Լիտվա հարաբերությունների հետագա խորացման ուղղությամբ, որոնք որակական նոր մակարդակի բարձրացվեցին ինչպես երկկողմ ձևաչափով, այնպես էլ ԵՄ-ի և նորդիկ-բալթյան ութնյակի հետ: Ակնկալում եմ շուտով սկսել մեր շփումները»,- նշել է Միրզոյանը:
Ավելի վաղ ՀՀ ԱԳ նախարարը շնորհակալություն էր հայտնել Լիտվայի նախկին արտգործնախարար Գաբրիելիուս Լանդսբերգիսին և բարձր գնահատել նրա աջակցությունը Հայաստանին:
