Իսրայելը հարվածել է Գազայի հատվածին: Պաղեստինյան ԶԼՄ-ների տվյալով՝ փախստականների Նուսեյրաթ ճամբարում տասնյակ մարդիկ են զոհվել և վիրավորվել, այդ թվում՝ կանայք և երեխաներ:
Թիրախում է հայտնվել նաև Քամալ Ադվան հիվանդանոցը, առնվազն 29 մարդ է զոհվել:
Հարավային Ռաֆահում և այլ քաղաքներում ևս գործողությունները շարունակվում են: Իսրայելական կողմը հայտնել է, որ Գազա քաղաքում չեզոքացվել է ՀԱՄԱՍ-ի հրամանատարներից մեկը և բարձրաստիճան այլ ներկայացուցիչներ:
Գազայի հատվածում զոհերի ընդհանուր թիվը հատում է 44600-ը, վիրավորներինը՝ 105800-ը:
