Թունիսը խստորեն դատապարտել է Սիրիայի հյուսիսում գրոհայինների իրականացրած ահաբեկչական հարձակումները և կոչ արել միջազգային հանրությանը աջակցել երկրին՝ իր ինքնիշխանության և տարածքային ամբողջականության պահպանման հարցում։ Այս մասին ասվում է Թունիսի ԱԳՆ հայտարարության մեջ։
«Թունիսի Հանրապետությունն իր լիակատար համերաշխությունն է հայտնում Սիրիայի Արաբական Հանրապետությանը և միջազգային հանրությանը կոչ է անում աջակցել այս եղբայրական երկրին, որպեսզի նա պահպանի իր ինքնիշխանությունը, իր ժողովրդի անվտանգությունը, կայունությունն ու տարածքային ամբողջականությունը»,- ասված է գերատեսչության ֆեյսբուքյան պաշտոնական էջում հրապարակված տեքստում:
Ըստ վերջին տեղեկությունների՝ զինյալները գրավել են Սիրիայի մեծությամբ չորրորդ խոշոր քաղաքը՝ Համան, և մտադիր են գրոհել Հոմսը:
