Սիրիայում զինված խմբավորումները Հալեպի արևմտյան հատվածի գյուղական շրջաններում հարձակում են սկսել կառավարական զորքերի վրա:
Լրատվամիջոցների տվյալով՝ Սիրիայի բանակի հետ մարտեր է վարում նաև «Հայաթ Թահրիր աշ Շամ» ահաբեկչական խմբավորումը: Նշվում է, որ գրոհայինները վերահսկողության տակ են վերցրել Քաֆեր Բեսմե գյուղը և մի շարք բարձունքներ:
CNN-ը, վկայակոչելով ապստամբ խմբավորումների հայտարարությունը, նշում է, որ նրանք գրավել են 13 բնակավայր, այդ թվում՝ ռազմավարական նշանակության քաղաքներ, ինչպես նաև սիրիական բանակի խոշորագույն 46-րդ բազան: Նշվում է, որ Հալեպից մոտ 20 կմ հեռու նրանք գրավել են նաև Ուրմ էլ Քուբրա քաղաքը:
CNN-ի տվյալով՝ հարձակմանը մասնակցում են տարբեր ընդդիմադիր ուժեր, այդ թվում՝ իսլամիստական խմբավորումներ, «Ազատ սիրիական բանակը» և այլն:
