Նոյեմբերի 26-ին ՀՀ ԱԳ նախարարի տեղակալ Վահան Կոստանյանը հանդիպել է Պորտուգալիայի արտաքին գործերի և համագործակցության պետքարտուղար Նունո Սամպայոյի հետ։
Հանդիպման ընթացքում զրուցակիցները գոհունակությամբ արձանագրել են Հայաստան-Պորտուգալիա հարաբերություններում առկա դինամիկան՝ կարևորելով քաղաքական երկխոսության զարգացմանն ու խորացմանն ուղղված երկու երկրների պատրաստակամությունը։ Այս համատեքստում անդրադարձ է կատարվել հայ-պորտուգալական օրակարգն ընդլայնելու և փոխադարձ հետաքրքրություն ներկայացնող ոլորտներում համագործակցությունը խորացնելու հեռանկարներին։
Երկուստեք ընդգծվել է միջազգային կառույցների շրջանակներում արդեն իսկ առկա փոխգործակցության, ինչպես նաև բազմակողմ հարթակներում անմիջական շփումների էլ ավելի ակտիվացման կարևորությունը:
Վահան Կոստանյանը զրուցակցին է ներկայացրել Հարավային Կովկասում կայունության և խաղաղության հաստատման ուղղությամբ հայկական կողմի տեսլականը և իրականացվող քայլերը:
Անդրադարձ է կատարվել նաև ՀՀ-ԵՄ գործընկերությանը, որի շրջանակում Վահան Կոստանյանը կարևորել է Պորտուգալիայի աջակցությունը Հայաստան-ԵՄ համագործակցության զարգացման և խորացման հարցում։
