Numbeo ինտերնետային բազայի հրապարակած տվյալների համաձայն՝ Հայաստանն աշխարհի ամենաանվտանգ երկրների ցանկում 2024 թվականին 8-րդ հորիզոնականն է զբաղեցրել՝ 77,8 միավորով։ 2023 թվականի տվյալների համեմատությամբ՝ այս տարի Հայաստանը մեկ հորիզոնականով զիջել է իր դիրքերը։
Ըստ կայքի՝ ամենաանվտանգ երկիրն Անդորրան է, երկրորդ հորիզոնականում Արաբական Միացյալ Էմիրություններն է, երրորդում՝ Կատարը, չորրորդում՝ Թայվանը, այնուհետև Օմանը, Մեն կղզին և Հոնկոնգը։ Հայաստանի հարևան երկրներից Վրաստանը ցանկում 21-րդն է, Ադրբեջանը՝ 33-րդը, Իրանը 92-րդն է, իսկ Թուրքիան՝ 54-րդը։
