ՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել, որին կից գրել է.
«Ուրախ էինք հյուրընկալել Լեհաստանի նախագահին և առաջին տիկնոջը»:
Հիշեցնենք՝ Լեհաստանի նախագահը եռօրյա պաշտոնական այցով Հայաստանում է։
Անջեյ Դուդան առանձնազրույց է ունեցել ՀՀ նախագահ Վահագն Խաչատուրյանի հետ, որին հաջորդել են պատվիրակությունների միջև ընդլայնված կազմով բանակցությունները։ Լեհաստանի նախագահը հանդիպումներ է ունեցել վարչապետ Նիկոլ Փաշինյանի և Ազգային ժողովի նախագահ Ալեն Սիմոնյանի հետ:
Լեհաստանի նախագահի ղեկավարած պատվիրակությունը նոյեմբերի 27-ին այցելել է Երասխ: Լեհաստանի նախագահը հանդիպել է Հայաստանում ԵՄ առաքելության լեհ անձնակազմի հետ:
