Ադրբեջանի նախագահը և ԱՄՆ ընտրված նախագահ Դոնալդ Թրամփը հեռախոսազրույց են ունեցել: Ըստ ադրբեջանական կողմի հաղորդագրության՝ Իլհամ Ալիևը Թրամփին շնորհավորել է վերընտրվելու կապակցությամբ։ Ադրբեջանի նախագահը նշել է՝ ընտրությունում Թրամփի վստահ հաղթանակն ապացուցում է, որ նրա որդեգրած քաղաքական գիծը վայելում է ամերիկացի ժողովրդի մեծ վստահությունն ու աջակցությունը։
Ալիևն ընդգծել է, որ Թրամփի գործունեությունը կարևոր դեր կխաղա աշխարհում անվտանգության ապահովման հարցում։ Նա նաև հույս է հայտնել, որ համատեղ ջանքեր կձեռնարկվեն Բաքվի և Վաշինգտոնի երկկողմ հարաբերությունների զարգացման համար։
Նշվում է, որ Թրամփն էլ ընդգծել է երկու երկրի միջև գործակցության զարգացման ուղղությամբ համատեղ աշխատանքների կարևորությունը։
Մանրամասները՝ տեսանյութում:
