ՄԱԿ-ի Գլխավոր քարտուղար Անտոնիո Գուտերեշը Բաքվում է՝ մասնակցելու COP-29-ին: Նա հանդես է եկել հայտարարությամբ՝ նշելով, որ «երբ գլոբալ ջերմաստիճանը հասնում է ռեկորդային առավելագույնի, իսկ եղանակային էքստրեմալ իրադարձություններն ազդում են մարդկանց կյանքի վրա, կառավարությունների, բիզնեսի և քաղաքացիական հասարակության ղեկավարները պետք է հավաքվեն՝ գործնական լուծումներ գտնելու մեր ժամանակի այս կարևոր խնդրի համար»:
Գուտերեշը հույս է հայտնել, որ կհամաձայնեցվի COP29-ի արդյունքների փաստաթուղթը և հնարավոր կլինի մոտենալ կլիմայի ֆինանսավորման վերաբերյալ ճշմարտությանը: Նա ընդգծել է, որ վերջնական համաձայնության հասնելու համար կարևոր է, որ կողմերը հակված լինեն բանակցելու և իրենց դիրքորոշումները հստակեցնելու: «Գիտական նկատառումները հուշում են, որ չկա այլ տարբերակ, քան հասնել 1,5 աստիճան Ցելսիուսի կլիմայական թիրախին: Չափազանց կարևոր է, որ կողմերը համաձայնեցնեն վերջնական փաստաթղթի կետերը»,- հայտարարել է Գուտերեշը:
