Անհոգնել, անընդհատ կասեմ, որ դուք պալատական հեղաշրջում կազմակերպեցիք ԼՂ-ում: Ի դեպ, էլի էդ ձեր շրջաբերականներով էր պտտվում, որ այնտեղ պետք է իշխանություն փոխվի: Այդ մասին Ազգային ժողովում իր ելույթի շրջանակում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ անդրադառնալով ընդդիմության՝ «ԼՂ-ն հանձնելու» մեղադրանքներին:
«Դուք մի շրջաբերականով գնացել, պալատական հեղաշրջում եք արել ԼՂ-ում, հետո արգելել եք բոլոր նրանց, ովքեր ցանկացել են իրենց իրավունքների պաշտպանության համար գնալ, բանակցել, նրանց անվանել եք դավաճաններ, հետո արգելել եք գնալ Սոֆիա, հետո իրենց ուղարկել եք Եվլախ: Անհերքելի փաստ է սա»,- ասաց Արթուր Հովհաննիսյանը՝ խոսքն ուղղելով ԱԺ ընդդիմադիր պատգամավորներին:
